Sunn Pukaar Tu Meri...

Umeed khwahishon mein..pankh bandishon mein..
Meri zindgi hai bandhi kuchh faislon mein...
Vishwas hai...aas hai...darr main jaanta nhi...
Apna kehkar ek bar..main muh modna jaanta nahi..

Mera vajood hai ajeeb...main apno ke kareeb..
Paas hokar bhi yun main begana rha...
Khilona kisi ka...kisi ka main saathi...
Kya sahi kya galat main tha jaanta nahi...

Hain usool kuchh mere..jo hain sanjodte mujhe..
Sache iraade mujhe aage badhate rahe...
Hai kishti meri tufani baarishon mein..
Beech raaste hath chhodna main jaanta nahi..

Hai hausla buland..hai khud pe yakeen...
Pathhar ki moorat main maanta nahi..
Mere karm meri awaz...hai aastha mein vishwas
Jhoothe dikhave ke peechhe main bhaagta nahi..

Ek kadam do kadam main badhata rahun..
Naseeb apna main khud hi banata rahun..
Sunn pukaar tu meri..de hausla mujhe...
Aye Khuda tujhe yun main pukaarta nahi..